Daði og Hulda í Svíþjóð

Nýtt blogg

2006-10-03T21:37:00.000+02:00

Jæja þá er ég líka kominn með nýtt blogg!

svenolof.wordpress.com

Badaboom, badabing!

Ég er komin með nýtt blogg

2006-09-08T15:45:00.000+02:00

hultis.blogspot.com

Á samt eftir að nenna að gera fínt á því.

Verslunarmannahelgin

2006-08-03T12:46:00.000+02:00

Las ótrúlega fyndna grein á www.timesonline.co.uk um Þjóðhátíð í Eyjum. Bara snilld, read it.

Éttu Skíttu

2006-07-27T12:47:00.000+02:00

Ég og Hulda ætluðum að fá okkur eitthvað gott í Bitabæ um daginn og langaði Huldu í samloku. Bitabær var reyndar étinn af okurbúllunni Aktu Taktu fyrir nokkrum árum en samlokurnar voru ennþá jafn góðar. En já, við stoppuðum sem sagt og Hulda ætlaði að panta sér samlokutilboðið sem hafði verið í gangi, kók og samloka á 399 krónur. Nú var tilboðið búið og Hulda vildi bara fá sér samlokuna (með skinku, osti, ananas og sinnepssósu). Þá fengum við að vita að bara samlokan kostaði 570 kall! 570 íslenskar krónur, hvaða andskotans okur er þetta? 570 kall fyrir tvær brauðsneiðar, ost, auma skinkusneið, hálfa hakkaða ananasskífu og slettu af sinnepssósu. Ætli efniskostnaðurinn sé ekki heilar 50 krónur í mesta lagi? Skítabúlla.

Ein króna

2006-07-12T16:32:00.000+02:00

Ásdís Eir á afmæli í dag (til hamingju Ásdís) en það er ekki það sem er mikilvægt. Það sem er mikilvægt er að hún heldur afmælið sitt í Heiðmörk eins og í fyrra, enda var algjör snilldarhugmynd að halda þetta þar. Og það mikilvægasta er að ég ætla að vinna alla í eina krónu. Alla.

Of fyndið

2006-06-28T14:00:00.000+02:00

Fyndið piss

2006-06-16T16:20:00.000+02:00

Rúðupissið á afturrúðunni á Golfinum er bilað þannig ef ég sprauta því þá fer það bara beint aftur í stað þess að enda á rúðunni. Það vekur gríðarlega lukku á götum Reykjavíkurborgar þegar ég stoppa á rauðu ljósi með bíl fyrir aftan mig og "pissa" á hann. Alveg einstaklega gaman að horfa í baksýnisspegilinn og sjá ökumanninn fyrir aftan skellihlæjandi.

Whos da man

2006-06-15T16:51:00.000+02:00

Elias feat. Frans, undir musikivideor...

Heimsmeistaramótið byrjar í dag!

2006-06-09T13:07:00.000+02:00

Ingen kickar fotboll som han, Zlatan, jag sa Zlatan!
svensken som en superman, Zlatan, jag sa Zlatan!

I love you ich liebe dich!
Zlatan Ibrahimovich!

Den vägen du startade ditt liv den var inte lätt..
I Rosengård lever man inte så fett!
Tänk att det fanns människor som sa att Zlatan var trams.

DOM HADE FEL!
OCH VI HADE RÄTT!
Du är den bästa vi någonsin sett!

Ingen kickar fotboll som han, Zlatan, jag sa Zlatan!
svensken som en superman, Zlatan, jag sa Zlatan!

I love you ich liebe dich!
Zlatan Ibrahimovich!

Småfolket

2006-05-30T22:33:00.000+02:00

Honum Martin félaga mínum finnst ótrúlega fyndið að það séu til Íslendingar sem trúa á huldufólk. Ennþá fyndnara finnst honum að tekið sé tillit till "byggða" þeirra (stundum) þegar byggja á vegi og fleira. Hann tekur oft upp á því að spyrja um småfolket og hvernig sambandi fjölskyldu minnar og þeirra sé háttað eða einhverjum álíka skemmtilegum spurningum. Um daginn vildi hann svo endilega sjá myndir af þessum skrítnu verum þannig að hann byrjaði að googla "småfolket + bilder" osfrv. Ég sagði að hann fyndi ekkert með þessu enda væri huldufólk ekki til (?), ég myndi samt reyna að googla íslenska nafnið á þessu fyrir hann og sjá hvort ég fengi upp einhverjar skemmtilegar myndir. Ég fékk heldur betur upp skemmtilega mynd, haldið þið að það hafi ekki komið upp mynd af pabba þegar ég googlaði "huldufólk", see for yourselves. Við dóum að sjálfsögðu úr hlátri og nú á Martin aldrei eftir að hætta að tala um það hvernig pabbi minn sé einn af småfolket. Þá hættir hann kannski að tala um að glíma sé vinsælasta íþrótt á Íslandi og að hann vilji að ég skori á varmafræðikennarann í glímu...

Maður er svo kúl...

2006-05-28T11:43:00.000+02:00

Ég er að fara á úrslitaleikinn á heimsmeistaramótinu í innibandý núna eftir hádegi.

Það er svo ótrúlega gaman að standa á sviði

2006-05-22T21:55:00.000+02:00

Verst bara hvað búningarnir eru búbbulegir.

Foreldrar mínir voru í Rússlandi

2006-05-03T19:55:00.000+02:00

og ég var að fletta í gegnum myndirnar sem þau tóku...
Gott ef þetta er ekki bara hann Davíð sjálfur Þorsteinsson við hliðina á henni mömmu minni.

Arg...fávita kennari!

2006-04-04T21:57:00.000+02:00

Haldiði ekki að fíflið hafi gefið mér 2.5 stig af 3 mögulegum en verklega félaganum mínum 3!

Jävla miffo...

Aumingja Friðrik, sem slysaðist til að hringja um leið og ég fékk að vita þetta, þurfti að hlusta á mig rasa út í símann. Frá honum frétti ég síðan -sem ég reyndar vissi- að bjáninn á það til að vera erfiður við kvenfólk.

Ég lærði það strax í MR að aldrei vinna bara í stelpuhóp en vinkonur mínar hér, þær Evelina og Sandra, hafa virkilega lent í vandræðum með aulann. Hann er búinn að draga þær niður á allan mögulegan hátt frá byrjun.

Ég held ég fari og rífist við hann aðeins á morgun. Ég á allan heiðurinn að þessum fyrirlestri, ég setti saman forritið, setti upp fyrirlesturinn og reddaði glærunum. Það er virkilega farið að há mér að ég hljóma ekki lengur eins og útlendingur. Fólk skilur ekki alltaf lengur að ég tala stundum vitlaust vegna þess að ég kann ekki betur og flokkar mig sem e-n bjána.

Og ef það virkar ekki klaga ég í námsráðgjafana...það er svo kúl að vera í skóla (semsagt ekki í MR) þar sem námsráðgjafarnir eru virkilega á bandi nemendanna.

Hulda haxor

2006-04-01T11:25:00.000+02:00

Nu er eg buin ad eiga heima i tölvustofunni i skolanum i viku. (Eg er her enn sbr. saenska lyklabordid.) Dag og nott hef eg unnid ad thessu fjandans forriti sem gengur ut a ad teikna upp gluggaskreytingu i Matlab. Verklegi felaginn minn for a taugum svo eg thurfti ad taka yfir allt sem hefur med kodann ad gera. A fimmtudaginn heldum vid kynningu a verkefninu sem ad sjalfsögdu var ekki tilbuid. Newtons adferd vid lausn a jöfnuhneppum vildi ekki stabiliseras og mer tokst ekki ad leysa ut fastana ur kedjuformulunni fyrir fyrsta bandspottann. Thannig ad...vid svindludum fram fallegar myndir med thvi ad giska a fasta og komum okkur hja thvi ad raeda nidurstödur of nakvaemlega. Fyrirlesturinn var fullkominn, vid heldum athygli aheyrenda og litum virkilega ut fyrir ad vita hvad vid vaerum ad gera. Svo thegar vid vorum buin thurfti ad sjalfsögdu einn vitleysingur ad taka eftir thvi ad bandid vaeri lengra a sumum myndunum og ad sjalfsögdu fann hann sig knuinn til ad gera athugasemd vid thetta. Uss, hvad eg vard pirrud. Threytt og uttaugud sem eg var, og hingad til ekki endilega thekkt fyrir ad halda mer saman thegar eg aetti ad gera thad, horfdi eg a hann illum augum og hreytti ut ur mer: "Bråka inte med mig nu, bandet skall vara av konstant längd!". Sem betur fer fannst kennaranum thetta storfyndid svo hann skelllihlo (madurinn er annaladur fylupuki) og salurinn med. Thad er mögulegt ad vid komumst upp med ad flytja fyrirlestur um halfklarad verkefni.

Thar sem vid thurfum lika ad skila skyrslu um verkefnid nuna a manudaginn sat eg i allan gaerdag her i tövlustofunni ad forrita. Mer tokst ad leysa fyrsta vandamalid frekar fljott og restin af deginum for i ad slast vid kedjuformuluna. Allt i einu tek eg eftir thvi ad verklegi felaginn minn, sem a ad vera ad vinna ad skyrslunni, er horfinn. Eg fer ad leita ad honum og finn hann sofandi i sofunum fyrir utan tölvustofuna. Thegar hann loksins vaknar og er buinn ad sitja fyrir framan tölvuna i klukkutima (eg hef ekki tekid mer pasu ad radi sidan a manudag) spyr eg hann hvernig gangi med skyrsluna. Tha var hann buinn ad skipta skyrslunni upp i kafla med fyrirsögnum og vissi ekki hvernig hann aetti ad byrja a sjalfu innihaldinu. Tha vard eg reid.

Nuna er laugardagur og kodinn er her um bil tilbuinn. Eftir ad eg sparkadi i rassinn a felaga minum i gaer er skyrslan komin a skrid og eg vona ad felaga minum se treystandi til ad vinna ad henni sjalfur eins og hann er buinn ad lofa ad gera.

Eg hlakka svo otrulega til ad skila inn thessari skyrslu og lata tölulega greiningu eiga sig i nokkra daga adur en madur byrjar a sidasta verkefninu i kursinum.

Verður lífið ljúfara en þetta?

2006-03-15T21:20:00.000+01:00

Helgarfrí

2006-03-15T20:26:00.000+01:00

Klára síðasta próf á morgun. Fer svo í heimsókn til Önnu í Danmörku yfir helgina. Magnað.

Yndislegt

2006-03-10T23:28:00.000+01:00

Þögn, tölvusuð, öskur, kjallari, þungt loft, Domino's, sviti, táfýla.

LAN.

Rakel og Guðjón

2006-02-26T20:10:00.000+01:00

Ég sakna ykkar svo ótrúlega mikið...

The misery of others

2006-02-15T01:52:00.000+01:00

Helgi snillingur sendi þetta video á mig, ég veini bara meira og meira úr hlátri eftir hvert skipti sem ég horfi á þetta.

Myndband

Möst að hafa hljóð þegar maður horfir á þetta! Algjört möst!

Hún á afmæli í dag!

2006-02-13T19:45:00.000+01:00

Til hamingju með afmælið elskan :)

Puss och kram

Teh 1337 m4ch1n3

2006-01-26T18:55:00.000+01:00

Ég pantaði nýja tölvu, eða réttara sagt tölvuhluti núna fyrir nokkrum dögum. Móðurborð, örgjörvi, skjákort og vinnsluminni kemur til mín í byrjun næstu viku. Ég hlakka sko til, það eru yfir 3 ár síðan ég uppfærði tölvuna! Þetta pantaði ég:

ASUS A8N-SLI Premium Socket 939 NVIDIA nForce4 SLI ATX AMD Motherboard

AMD Athlon 64 X2 4400+ Toledo 1GHz FSB 2 x 1MB L2 Cache Socket 939 Dual Core Processor

MSI NX7800GT-VT2D256E Geforce 7800GT 256MB 256-bit GDDR3 VIVO PCI Express x16 Video Card

CORSAIR XMS 2GB (2 x 1GB) 184-Pin DDR SDRAM DDR 400 (PC 3200) Unbuffered Dual Channel Kit System Memory Model Twinx2048-3200c2pt

Ég pantaði herlegheitin frá Þýskalandi, verðið er talsvert lægra þar (spara yfir 20.000 kall) og ég þarf ekki að borga neina skatta eða tolla þegar þetta kemur til Svíþjóðar, þökk sé EU! Ohh hvað það verður gaman að leika sér núna.

P.s. ég ætlaði að vera ýkt duglegur og setja inn fullt af myndum en myndasíðan er eitthvað biluð núna

** Update ** Myndir komnar inn!

Skíði

2006-01-22T12:03:00.000+01:00

Ég á eflaust eftir að fara meira á skíði þennan vetur en ég hef gert síðustu... 8 ár? Við vorum í skíðaferð í Åre í síðustu viku og í páskafríinu eru við svo að fara í viku til Bydalen með Matthias þar sem fjölskyldan hans á hlut í einhverjum skíðakofa. Ekki slæmt!

Þarna eru Hulda og Andreas á toppnum. Því miður voru allar þæginlegar leiðir niður lokaðar þannig að byrjandinn Hulda fékk að fara niður erfiðustu brekkuna á svæðinu. Það gekk að lokum :)

Gleðileg jól

2005-12-26T15:35:00.000+01:00

.

Vonandi hafa allir haft það jafn gott og við...

Ice Ice Baby

2005-12-23T12:04:00.000+01:00

Þá erum við komin á klakann og ætlum að njóta lífsins hér í jólafríinu. Engin vinna og ekkert stress, bara afslöppun. Svo munum við halda aftur til Svíþjóðar einhvern tímann á bilinu 6. ~ 10. janúar að öllum líkindum og þar förum við svo í skíðaferð til Åre (sem er besta skíðasvæði Svíþjóðar) þann 14. - 19. janúar, jess!

You are our next Einstein. Wow! Keep up the great thinking.

2005-12-20T11:54:00.000+01:00

Einnþrírþrírsjö

2005-12-15T13:39:00.000+01:00

Það er alltaf jafn gaman þegar maður kíkir óvart á klukkuna og sér að hún er 13:37. Dagurinn verður alltaf einhvern veginn betri þegar þetta gerist.

Crazy in the brainhouse

2005-12-13T00:42:00.000+01:00

Hér kemur nýjasta fréttin. Planið er sem sagt að fara í risaferðalag til Suður-Ameríku árið 2007 og ferðin sem áætlað er að fara í er þessi hér. Hún tekur 16 vikur og er lagt af stað frá Rio í Brazilíu þann 21. febrúar 2007, þaðan er farið niður til Ushuaia í Argentínu og komið er til síðasta áfangastaðar, Quito í Ekvador, þann 12. júní 2007 (sjá kort). Hér er brotabrot af öllu því magnaða sem við munum sjá:

Iguassu falls

Machu Picchu

Amazon rainforest

Dr. Livingstone, I presume?

Walker: Texas Ranger

2005-12-07T22:53:00.000+01:00

Chuck Norris: Top Thirty Facts

Sumt af þessu er of fyndið.

Hann á afmæli í dag...

2005-11-20T00:05:00.000+01:00

Til hamingju með daginn kallinn minn :)
Puss och kram...

Þau voru á balli í gær

2005-11-13T12:10:00.000+01:00

Hulda barbí

2005-11-05T02:52:00.000+01:00

Var í afmælisveislu með bleiku þema...

Að verða fullorðin

2005-11-02T21:27:00.000+01:00

Ég keypti mér púður í fyrsta skipti á ævinni áðan.

Þegar lífið verður of ljúft

2005-10-22T14:31:00.000+02:00

...þá verður maður að hafa fyrir því að flækja það aðeins

Ég er í prófum. Flestir í árgangnum mínum hafa eytt vikunni í að kvarta og kveina undan álagi. Ég var aftur á móti sjálfri mér lík og bætti aðeins á. Fyrst tók ég fimm tíma TET-próf (teoretisk elektroteknik) eftir hádegi á miðvikudag. Á fimmtudag skilaði ég inn sönnuninni minni á The Riemann Mapping Theorem. Fyrir hádegi á föstudag var fjögurra tíma aflfræðipróf. Sniðuga fólkið var þegar búið að klára fræðilega hlutann af prófinu og þurfti bara að leysa dæmin. Ég var ekki ein af þeim og þurfti þess vegna að leysa átta tíma próf á fjórum tímum. Svo á mánudaginn er stærðfræðiprófið. Sniðuga fólkið er búið að klára skriflega hlutann og þarf bara að mæta í munnlegt próf. Ég er ekki sniðugt fólk og þarf þess vegna að byrja á þriggja tíma prófi (er reyndar búin með meirihlutann, þarf bara að leysa eitt dæmi af fjórum) áður en ég má taka munnlega hlutann.

Mikið svakalega verður gott að setjast niður á mánudagskvöldið - ætli maður taki sér ekki smá pásu frá lærdómnum þá.

Ég geri það af því að mig langar til þess

2005-10-16T11:58:00.000+02:00

... ekki af því að þið segir mér að gera það.

1. Það fer í taugarnar á mér að vera kölluð nörd. Ekki uppnefni ég rauðhært fólk.

3. Ég elska skó, töskur og föt. Bann við að klæðast pilsum og kjólum er hugsanlega það eina sem gæti fengið mig í hungurverkfall.

2. Ég get ekki sofið ef annaðhvort öklarnir eða úlnliðirnir standa undan sænginni. Þá skiptir engu máli hversu heitt er í herberginu.

4. Ég elska að standa á sviði. Á erfitt með að fara á leik- eða danssýningar vegna þess að ég væri svo miklu frekar til í að vera með í sýningunni.

5. Heilinn á mér dettur úr sambandi þegar lítið er að gera. Þá geri ég ekki neitt.

Psycho mom

2005-10-14T20:05:00.000+02:00

Hress mamma

http://gorillamask.net/psychomom.shtml

Kannast einhver við þemað?

2005-10-09T22:15:00.000+02:00

Gilmore Girls

2005-10-04T08:11:00.000+02:00

Var að horfa á fyrstu þættina í nýju seríunni af Gilmore Girls í gær. Komst að því mér til skelfingar að hin óþolandi Paris minnti mig allt of mikið á sjálfa mig.

Allt að gerast

2005-10-03T00:52:00.000+02:00

Jæja, loksins var myndasíðan uppfærð. Var að skella inn sex, já sex nýjum albúmum á myndasíðuna! Myndir frá sumrinu og myndir frá Svíþjóð. Vonandi verður myndasíðan uppfærð reglulega (amk aðeins meira reglulega) héðan í frá :)

Kíkið á skemmtilegar myndir!

Farinn að sofa.

Bissí

2005-10-02T17:53:00.000+02:00

Jæja, nú er skólinn kominn á fullt og allt sem því fylgir. Mér leiddist svolítið í upphafi annarinnar og þar sem slíkt hefur skelfilegar afleiðingar fyrir námsárangur minn og lífsgleði ákvað ég að fylla aðeins upp í allan þennan frítíma.

Íþróttir
Keypti mér kort í KTH-hallen í vikunni og mæti nú minnst tvisvar í viku í box og bodypump með bekkjarsystur minni.
Auk þess mætir stelpan á fótboltaæfingar með deildarliðinu og er nú aðallljósmyndari liðsins ásamt því að vera heiðursmeðlimur í aðdáendaklúbbnum.
Önnur skólasystir mín kennir fimleika í frístundum sínum og ég er búin að lofa að mæta við tækifæri á æfingu með henni og hjálpa aðeins til.

Nefndarstörf
Ég er með í nefndinni sem sér um að halda partí, mæta í partí og reka barinn í nemendaaðstöðunni.
Ég er meðlimur í nefndinni sem sér um tengsl nemenda við atvinnulífið.
Nýjasta uppátækið er að troða sér í danshópinn í skólaleikritinu. Frumsýnt verður í vor, síðan verða sýningar teknar upp aftur næsta haust þegar nýnemarnir mæta auk þess sem skroppið verður í sýningarferð til Finnlands.

Auk þess tekur maður að sér að hjálpa til þar sem þess er þörf, t.d. að elda mat fyrir nýnemaballið á laugardaginn og sjá um stöð í leikjunum fyrir veisluna. Þemað fyrir kvöldið er súperleynilegt og ég hlakka ótrúlega mikið til. Hélt að ég mundi aldrei aftur fá tækifæri til að fara í svona búning aftur.

Ah...ég hlakka svo til vetrarins. Hlakka meira að segja svo mikið til að ég er búin að reikna heimadæmin í mekaník sem eiga að skilast inn á þriðjudaginn og ætla núna að læðast undir sæng og lesa mér til um polarisation og dípóla sem prófað verður úr í teoretískri elektrotekník á miðvikudaginn.

Sumarið 2005

2005-09-25T21:55:00.000+02:00

Lífið var svo ótrúlega ljúft í sumar. Að liggja í grasinu og spila teningaspil, algjörlega laus við kvíða og stress. Ég tárast við að rifja upp þessar stundir. Einakróna í Heiðmörk, seglbretti á Laugarvatni, tíu þúsund á Austurvelli. Við toppuðum frelsisauglýsingarnar... OFT!

Skólinn

2005-09-19T23:21:00.000+02:00

Bíddu nú við... Hvernig á maður aftur að nota þetta? Og hvað heitir þetta skrípatól nú aftur? Jááá lyklaborð... Og þetta er þá Blogger? Hvað meinarðu netvafri? Ahh, ég opna hann fyrst og fer svo í Blogger? Já ok... Maður skrifar sem sagt þarna? Og ýtir svo á þennan takka til að birta? Ok, kúl.

En já, skólinn. Skólinn er byrjaður aftur og er ég í ágætis kúrsum, Hållfasthetslära (Burðarþolsfræði), Mekanik II (Aflfræði II) og Differentialekvationer I (Diffurjöfnur I). Það er reyndar analmikið að gera núna, 2 próf og 2 skiladæmi á einni viku er alltaf hressandi. Fyrirlesararnir (eða segir maður kennararnir?) eru ágætir og allir sænskir, sem er góð tilbreyting. Sá sem er með Diffurjöfnukúrsinn er reyndar slakastur, greinilega einhver snillingur og það fylgir þeim stundum að þeir eru ekki nógu góðir að koma efninu frá sér. Mæli með að fólk kíki á heimasíðuna hans þar sem hann er með mjög hressa mynd af sér ásamt fleiru skemmtilegu, eins og t.d. lista yfir áhugamál hans innan stærðfræðinnar (listi sem allt venjulegt fólk fær höfuðverk af að lesa). Það er einn náungi með mér í öllum fyrirlestrum sem kryddar alltaf vel upp á daginn. Kannist þið ekki við týpuna sem spyr alltaf heimskulegra spurninga, talar alltaf mjög hátt og er svona almennt mjög hress? Hann er einn af þeim, mjög skemmtilegur. Svo er hann líka frá Íran að ég held og er þ.a.l. með mjög skemmtilegan hreim.

Annars litu Haukur og Hrönn í heimsókn í gær og gæddu sér á dýrindis heimabökuðum kanelsnúðum, þau voru í helgarferð í Stokkhólmi með vinnunni hans Hauks. Það var mjög fyndið hvað manni fannst maður vera á Íslandi þegar maður fékk svona stutta heimsókn.

Svo er margt á döfinni, mamma og amma koma í heimsókn á miðvikudaginn og verða fram á sunnudaginn. Það verður æðislegt að fá þær í heimsókn og alls ekki slæmt að fara út að borða nokkrum sinnum, munaður sem stúdentar geta ekki leyft sér án lánstöku. Svo er náttúrulega landsleikur hér 12. október og munu Svíar taka á móti Íslendingum á Råsunda Stadion. Að sjálfsögðu eigum við miða á leikinn og munum fara á leikinn í hópi sænskra vina okkar. Ég er meira að segja búinn að skaffa íslenska landsliðstreyju sem ég mun bera með stolti! (Tek samt með peysu svona ef þeir skyldu nú tapa...) Danni fréttasnápur, ljósmyndari og nýorðinn Kaupmannahafnarbúi kemur á leikinn og tekur myndir fyrir fotbolti.net ásamt því að þiggja gistingu hjá okkur, bara gaman að því.

Nú er þetta komið gott í bili, ætla að enda þetta á einum góðum nördabrandara sem kom fyrir í fyrirlestri um daginn. Ég sat í fyrirlestri í Mekanik II og þegar það var verið að fjalla um "The Rocket Equation" hringdi sími í salnum... Hringitónninn var lagið Spaceman með Babylon Zoo. Mjög fyndið móment.

Það er svo erfitt að vera námsmaður

2005-09-08T20:42:00.000+02:00

Hér átti að koma stórskemmtileg

2005-09-05T22:46:00.000+02:00

lýsing á því að ég væri byrjuð í fótbolta en ástin mín eina, prins drauma minna, lokaði netvafranum.

Þið fáið þess vegna ekki að vita meira um þetta mál, ég bendi lesendum á eigið ímyndunarafl til að fylla í eyðurnar.

Bavaria 42Match

2005-08-29T23:32:00.000+02:00

Svona skútu stýrði ég í gær.

Öskubuska

2005-08-27T16:41:00.000+02:00

Eftir tvær klukkustundir hefst veisla í skólanum. Þriggja rétta kvöldverður með skemmtiatriðum og dansleikur á eftir. Ég má ekki fara á ballið því ég á ekki nógu fínan kjól. Í stað þess þarf ég að sitja heima og láta mér leiðast. Hvar eru mýsnar þegar maður þarf á þeim að halda?

Lífið er fallegt

2005-08-25T00:51:00.000+02:00

Nú erum við komin aftur til Svíðþjóðar. Í litlu íbúðina okkar á fallegu eyjunni okkar. Mikið svakalega notalegt er að búa í þessu frábæra landi. Síðustu kvöld hafa farið í að hitta aftur gömlu félagana og koma lífinu aftur í samt far. Í gær var kynningarpartí fyrir nýnemana á Eðlisfræðideild. Partíið var ágætlega heppnað, nýnemarnir fóru heim snemma svo okkur hinum gafst tími til að heilsa upp á hvort annað. Í kvöld var svo grill hjá nágrannanum sem lagðist svo illilega í rauðvínið að hann sofnaði áður en við komust alla leið yfir í næstu íbúð á sömu hæð. Mér fannst það skrítið þar til að ég fattaði að hann hafði skipt fjórum flöskum af rauðvíni á milli fjögurra einstaklinga. Men, ég var að klára heila flösku af rauðvíni! Ég held ég fari að pissa...

Heima

2005-08-19T15:28:00.000+02:00

Eftir sólarhring verðum við komin heim í litlu íbúðina okkar. Þótt það sé pínu leiðinlegt að kveðja alla á Íslandi þá get ég ekki að því gert að hlakka til að komast heim. Heim í rúmið mitt, eldhúsið og stofuna. Ég held ég byrji á að leggja mig þegar ég kem heim. Fara svo út í búð, kaupa í matinn og hella upp á kaffi í litlu kaffikönnunni minni. Sitja í elhúsinu í rauðu sandölunum mínum og skoða nýjasta slúðrið í bæjarblaðinu. Kannski maður baki bara kanilsnúða.

Keila

2005-08-11T18:38:00.000+02:00

Við fórum í keilu um daginn. Okkur finnst ógeðslegt að vera umlukin sígarettureyk svo við spiluðum á reyklausu svæði. Klukkan var orðin vel eftir kvöldmat, stemningin var notaleg og það eina sem vantaði uppá var kanna af öli. Þá komumst við að því að staðurinn seldur ekki bjór á reyklausa svæðinu. Eina leiðin til að fá að kaupa áfengi var að setjast annaðhvort inn á barinn eða spila í reyknum.

Ætli það sé hægt að deyja úr leiðindum?

2005-08-04T18:27:00.000+02:00

Tilkynning

2005-06-20T01:16:00.000+02:00

Við erum komin í sumarfrí.

Stoltur

2005-05-27T21:07:00.000+02:00

Ég er stoltur af mörgu sem ég hef gert. Ég er stoltur af því að hafa orðið Íslandsmeistari í körfubolta. Ég er stoltur af því að hafa klárað Verzlunarskóla Íslands og hafa klárað hann vel. Ég er stoltur af því að hafa ákveðið að standa á eigin fótum og flytja til Svíþjóðar beint eftir menntaskóla. En af öllu því sem ég hef gert í lífinu þá er ég stoltastur af því að hafa unnið heimsmeistarakeppnina í Pro Evolution Soccer 2004 í erfiðasta erfiðleikastigi. Aldrei hef ég unnið jafn mikið þrekvirki.

Lokaspretturinn

2005-05-27T17:33:00.000+02:00

Jæja, þá er bara vika í næsta próf. Ég er búinn að dóla mér núna síðan á mánudaginn en þá var ég í prófi í aflfræði. Ég fékk sem sagt ellefu daga til að læra undir síðasta prófið. Það þýðir að maður gerir ekki neitt í svona átta daga og lærir síðustu þrjá. Það gengur einfaldlega ekki upp að læra jafnt og þétt, kerfið virkar ekki þannig. Mig langar að fara á Star Wars í kvöld en ég held að Hulda nenni ekki. Á einhver eftir að sjá Star Wars og langar að sjá hana með mér þegar ég kem heim, 6. júní?

Talandi um Star Wars, þetta er alltaf jafn fyndið.

Skandall

2005-05-13T21:30:00.000+02:00

Ég og Hulda vorum niður í miðbæ um daginn að kaupa skó (það tekur laaangan tíma að velja skó á suma). Eftir allt puðið ákváðum við að gera okkur góðan dag og skella okkur á Pizza Hut. Eyða námslánunum í einhverja vitleysu svona til tilbreytingar. En þegar við vorum svo að fara að panta okkur matinn gerðust ósköpin. Hörmungarnar dundu yfir. Heimurinn hrundi. Helvíti braust út. Stelpan sem var að afgreiða okkur tjáði okkur það að Pizza Hut væri hætt með brauðstangir. HÆTT MEÐ BRAUÐSTANGIR?! Engar brauðstangir og heit sósa til að dýfa í. Engar ostafylltar brauðstangir í forrétt?! Ég datt niður á hnén og brast í grát. Ég öskraði. Ég braut diska. Ég kastaði glösum. Ég brjálaðist. Þetta gat náttúrulega ekki verið. Þetta var verra en þegar ég fór á Mcdonalds og frönskuvélin var biluð. Þetta er eins og ef KFC myndi hætta að hafa húð utan á kjúklingabitunum. Ég tárast við tilhugsunina.

Eins gott að allir skyndibitastaðir á Íslandi séu ekki að fara til fjandans líka.

P.s. Það er ekki KFC í Svíþjóð. Hvað í andskotanum er að þessari þjóð? Surströmming eru þeir með á boðstólum en ekki KFC?!

Stelpur

2005-05-06T22:05:00.000+02:00

Ég umgengst ekki kvenfólk lengur. Ég er eina stelpan í bekknum og það eru heldur engar stelpur í vinahópnum hans Daða. Okkar bestu vinir eiga ekki kærustur. Eftir níu mánuði í útlöndum er svo komið að ég panikka ef kvenmaður kemur nálægt mér. Svitna í lófunum, tapa áttum og finn ekki upp á neinu að segja. Hvað ef ég geri e-ð vitlaust? Kannski vill hún aldrei tala við mig aftur. Ætli hún vilji verða vinkona mín?

Kem svo heim, brosandi eins og sól í heiði, og segi Daða mínum frá því að ég hafi sko talað við stelpu í dag. Fer svo alveg í köku þegar ég man að ég hef ekki hugmynd um hvort að stelpan hafi heitið eitthvað.

Óhappa

2005-04-30T15:14:00.000+02:00

Í byrjun mánaðarins fengum við rafmagnsreikninginn en týndum honum.

Um daginn kviknaði í straujárninu okkar svo nú eigum við ekkert straujárn og ég get ekki strauað mínupilsið mitt og get þ.a.l. ekki notað það. Er samt búin að finna straujárn á útsölu svo bráðum kemst ég aftur í mínupilsið mitt.

Í síðustu viku komu granninn og vinur hans í heimsókn. Eftir matinn langaði okkur í kaffi og þar sem að pressukannan mín er svo lítil ákvað ég að nota expressókönnuna mína í staðinn. Hélt að ég hefði gert allt eins og venjulega en í stað þessa að fá ilmandi kaffi í gegnum götin á könnunni kom bara kaffikorgur. Granninn og ég horfðum á þetta með undrunaraugum. Skyndilega heyrðist hvellur og allur korgurinn í könnunni þeyttist út um götin tvö og myndaði þennan líka fína svarta gosbrunn í eldhúsinu okkar. Kaffikannan tæmdist og var sem nýþvegin að innan. Allt varð svart. Glugginn, eldavélin, gólfið, viftan, allt saman. Granninn slapp óskaddaður þar sem götin sneru ekki að honum. Ég stóð hins vegar á milli annarrar bununnar og gluggans. Ég varð líka svört. Andlitið, bringan, fötin, hárin, eyrun, augun, allt saman. Vægast sagt hillaríus. Brenndi mig aðeins en það er gróið núna.

Á mánudaginn tók ég próf. Prófið var drulluerfitt en villurnar sem ég gerði voru ekki alls erfiðar. Tegraði dobbúlintegral yfir ellipsu sem var að háð jákvæðum konstöntum og fékk út svarið ln(2)* pí! Stundum virkar minn annars effektívi heili ekki eins og hann á að gera. Náði samt prófinu og þar með 7 einingum í viðbót.

Degi eftir að rafmagnsreikningurinn átti að greiðast fannst hann. Snepillinn hafði á e-n undraverðan hátt dottið í ruslið undir skrifborðinu. Hjúkket að við erum sóðar sem tæmum ekki pappírsruslið á hverjum degi. Reikningurinn var greiddur samstundis. Nú er bara að vona að hinir annars reglubrjáluðu Svíar slökkvi ekki á rafmagninu hjá okkur.

Mogginn

2005-04-23T11:31:00.000+02:00

Það var fyndið að setjast inn í neðanjarðarlestina í miðbæ Stokkhólms í gærkvöldi og finna þar Morgunblaðið beint á móti mér. Það sem var ennþá fyndnara var að ég fattaði ekki að ég væri að lesa íslenskt blað fyrr en eftir nokkrar síður.

Margt smátt gerir eitt stórt

2005-04-18T20:58:00.000+02:00

Í dag kom fyrsta ávísunin af mörgum frá Vi súpermarkaðnum. Það borgar sig aldeilis að vera með poängkort, heilar 50 sænskar krónur græddum við. Þetta þýðir að við fáum sem sagt u.þ.b. 2-3 50 króna ávísanir á ári (erum búin að vera með kortið frá áramótum). Jæja, nóg af röfli, ég er farinn á eyðsluflipp!

Alrighty then

2005-04-09T20:22:00.000+02:00

Við keyptum Ace Ventura: Pet Detective á DVD í gær. Matvöruverslunin Vi hérna í næsta húsi er alltaf með tilboð á DVD myndum, 59 - 89 SEK fyrir mynd eða jafnvel tvær fyrir 99 SEK. Dúndurtilboð (ef það er eitthvað sem fátækir námsmenn kunna að meta þá eru það tilboð, gratis är gott). En já, Ace Ventura: Pet Detective. Ég held ég gæti hlegið endalaust að þessari mynd og reyndar öllum myndum sem Jim Carrey leikur í. Þessi maður er svo endalaust fyndinn. Fyndnasta atriðið í Ace Ventura: Pet Detective er þegar hann leikur atriði afturábak þegar hann er á geðveikraheimilinu. Ég grenja alltaf úr hlátri þegar hann þylur upp sem hann sagði afturábak í tútúpilsinu sínu með hárið allt út í loftið. Gjörsamlega golden.

Öflugt

2005-04-07T12:44:00.000+02:00

Pabbi eins félaga míns hér í Svíþjóð er med einkaleyfi á kjarnaofni. Það finnst mér kúl.

Firefox á sterum

2005-04-01T23:40:00.000+02:00

Mæli með að allir sem noti Mozilla Firefox tjékki á þessu. Og þið sem eruð að nota Internet Explorer eða eitthvað annað drasl, skiptið í Firefox.

Flottir

2005-04-01T15:34:00.000+02:00

Back in business

2005-03-29T22:10:00.000+02:00

Haldiði ekki að myndasíðan hafi bara ekki verið upp færð rétt í þessu. Ýmsar myndir úr heimsókninni sem við fengum yfir páskana. Stórskemmtilegt. Meðal þess sem hægt er að sjá er hvalurinn, en bílaleigubíllinn fékk það viðurnefni (augljóslega). Fleiri myndir koma vonandi bráðum, sjáum til hvað Sveinbjörn á mikið pláss eftir á sínum frábæra server...

Halló halló

2005-03-28T01:24:00.000+02:00

Það er nú aldeilis dautt hérna, ekki er skortur á fréttum samt. Fjölskyldan úr Garðabænum mætti hingað í heimsókn 18. mars og eru hér enn. Rosa gaman. Bílaleigubíll, eða öllu heldur rúta, var tekin á leigu alla ferðina enda var haldið upp í sveit síðasta sunnudag þar sem við höfðum það huggulegt í ekta rauðu og hvítu sænsku sveitahúsi. Það var keyrt út um allar tryssur og allt skoðað. Norrköping, Söderköping, Linköping. Allir kaupstaðirnir þræddir. Loksins kom svo vorið. Þegar við mættum á svæðið var 10 - 15°C frost og við fórum svo heim í rúmlega 10 stiga hita. Stærsta IKEA í heimi var svo tekið á bakaleiðinni, eða a.m.k. stærsta IKEA í mínum heimi. Annars er bara allt gott að frétta og páskafríið er einstaklega ljúft, skólinn byrjar ekki aftur fyrr en 4. apríl. Svo koma vonandi myndir bráðum!

Barnaefni

2005-03-13T11:27:00.000+01:00

Er að horfa á barnaefnið á sænskri sjónvarpsstöð. Þættinum svipar til Pílu á margan hátt, nema hvað þáttastjórnandinn er fyndnari, þrautirnar klikkaðri og allur þátturinn í raun súrari. Þáttastjórnanndinn er í bláum jakkafötum, gógó-stelpurnar í rauðröndóttum sokkabuxum og bolum og svörtum stuttum pilsum. Áðan fékk eitt liðið séns á bónusspurningu, 10 stig ef þær svöruðu rétt en ef þeim mistækist þá átti e-ð vandræðalegt að gerast. Að sjálfsögðu var spurningin allt of erfið til að stelpurnar, uþb. 10 ára, ættu nokkurn séns, stjórnandinn öskrar "PINSAMT" og inn á sviðið æðir pabbi einnar og spilar á luftgitar. Það er langt síðan ég hef hlegið jafn mikið.

Þessi þáttur næst á Íslandi líka svo ef þið vaknið e-n tíman nógu snemma á sunnudagsmorgni þá heitir þátturinn Amigos og er sýndur á SVT2.

Páskafrí

2005-03-11T13:48:00.000+01:00

Óóójá! Ég er kominn í páskafrí og byrja ekki aftur í skólanum fyrr en 4. apríl. Ljúft, ljúft, ljúft. Kerfið hérna virkar sem sagt þannig að páskafríið sjálft er í raun bara í 12. viku (20. - 27. mars) en vikur 11 og 13 (þetta hljómaði asnalega, vikur 11 og 13?) eru prófavikur. En þar sem ég er ekki að taka nein próf á þessum tíma þá er maður bara í fríi. Svona er þetta helvíti sniðugt, ha.

Norður og niður

2005-03-08T00:07:00.001+01:00

Ég kveikti á sjónvarpinu um daginn og stillti á finnsku rásina. Haldiði að þessi gæðarás hafi bara ekki verið að sýna íslenska þáttinn Út og Suður. Ég held að þeir hafi verið búnir að tala við allt leiðinlega fólkið í Finnlandi og snúið sér því til Íslands. Grímur bóndi á Afskekktustöðum í Vatnadalshreppi er nýjasta hittið í finnsku sjónvarpi.

Hressandi...

2005-03-07T13:47:00.000+01:00

Það er alltaf hressandi að setjast niður, opna pennaveskið, uppgötva að strokleðrið er ekki á sínum stað, líta upp og taka við fimm tíma eðlisfræðiprófi frá góðlegri gamalli konu.

Sideways

2005-03-02T13:36:00.000+01:00

Jæja, ég ákvað loksins að sjá þessa mynd um daginn eftir að hafa heyrt mjög góða hluti um hana. Myndin reyndist vera leiðinleg. Ég þurfti að klára hana í tveimur pörtum af því ég nennti ekki að horfa á meira eftir fyrri helminginn. Síðari helmingurinn var þó mun betri en guð minn góður hvað ég var að drepast úr leiðindum á köflum, sérstaklega í fyrri hlutanum. Þessi mynd hreif mig ekkert með sér, mikil vonbrigði.

Múltínasjónal

2005-02-25T13:02:00.000+01:00

Stærðfræðikennarinn minn er Írani.
Eðlisfræðikennarinn minn er Kínverji.
Dæmatímakennarinn minn í eðlisfræði er Englendingur.

Hver og einn talar sitt afbrigði af sænsku en Englendingurinn er skemmtilegastur, sérstaklega þegar hann ber fram orðið vektor. Hann hljómar eins og hann loki aldrei munninum þegar hann talar.

Og ég er stolt af sjálfri mér...

2005-02-18T20:32:00.000+01:00

Jæja, nú er maður orðinn aðeins stærri og vitrari...

2005-02-15T18:55:00.000+01:00

Ég var í strætó í gær. Lítil skotta, svona u.þ.b. tíu ára, settist hjá mér og spurði mig hvort hún mætti nokkuð fá símann minn lánaðan. Þegar ég hafði sannfært sjálfa mig um að hún væri ekki líkleg til að ræna honum þá rétti ég henni símann. Stelpan slær inn númerið og þegar viðmælandinn svarar þá heilsar hún og spyr hvort að hann vilji nokkuð vera memm!

Ammlídag

2005-02-13T22:06:00.000+01:00

Hún á afmæli í dag,
hún á afmæli í dag,
hún á aaafmæli hún Huuulda,
hún á aaafmæli í dag!

Jeij!

Til hamingju með afmælið elskan :)

Bollur smollur

2005-02-09T01:24:00.000+01:00

Hér í Svíþjóð borðar fólk ekki rjómabollur. Hér borðar fólk betri rjómabollur, svokallaðar semlur. Semlur eru brauðbollur með einhvers konar möndlumarsípani (mandelmassa á sænsku) og rjóma innan í og svo flórsykur ofan á. Að sjálfsögðu bökuðum ég og Hulda (*hóst* Hulda *hóst*) semlor í gærkvöldi svo við gætum notið þeirra á bollutímanum (ég held að official dagurinn sé í dag).

Ef einhver tók ekki eftir því þá er myndasíðan komin aftur upp! Við þökkum Sveinbirni æðislega vel fyrir. Sveinbjörn þér er boðið í semlur.

Aha!

2005-02-01T14:54:00.000+01:00

Alltaf þegar ég ætla að leigja eða downloada (löglega, eh...) mynd þá veit ég aldrei hvað mig langar að sjá. Samt er manni alltaf að detta í hug einhverjar myndir sem maður á eftir að horfa á. Hver kannast ekki við að vera úti að labba og allt í einu; "Heyrðu ég hef aldrei séð Taxi Driver, best að muna eftir því næst!". Aldrei. Aldrei man maður. Alltaf þegar maður fer út á leigu þá stendur maður eins og auli í hálftíma og velur svo bara einhverja nýja mynd því maður hefur ekki hugmynd um hvað mann langar að sjá. En ekki lengur! Ég hef búið til skjal þar sem ég mun skrifa niður allar myndir sem ég á eftir og langar að sjá. Næst þegar ég leigi/downloada mynd þá verður það Taxi Driver eða Godfather serían en ekki Princesse Diaries 2.

Vinir

2005-01-30T23:10:00.000+01:00

Eru Friends hið fullkomna sjónvarpsefni?

Kokkur án klæða

2005-01-23T22:40:00.000+01:00

Amerískur kjúklingur með þykkri húð, tómötum, beikoni og persiljusmjöri

Hráefni (fyrir fjóra):

Tveir kjúklingar (ca. 800 grömm)
Salt 1-1 1/2 tsk
Pipar 3 tsk
Smjör eða smjörlíki 1-2 msk
Húðin
Franskt sinnep 2-3 msk
Rasp 1 1/2 dl
Meðlæti
Litlir tómatar 4-6 st
Beikon 75 g
Persiljusmjör
Smjör eða smjörlíki 50 g
Ferskur sítrónusafi 1-2 tsk
Salt, pipar
og fersk persilja 4 msk

Afþíðið kjúklinginn og skerið hann í helminga. Byrjið á því að nudda hann með salti og pipar. Leggið kjúklinginn í smurt eldfast mót og steikið hann í ofni í u.þ.b. 30 mínútur við 200°C hita.
Eftir að kjúklingurinn er settur í ofninn er best að hræra smjörið við sítrónusafann, salt og pipar og persilju. Formið það í litla rúllu og geymið svo í ísskápnum þangað til maturinn er borinn fram.
Takið kjúklinginn út úr ofninum eftir ca. 30 mínútur og aukið hitann í 225°C. Úrbeinið kjúklinginn en passið ykkur að helmingarnir haldist heilir. Smyrjið kjúklinginn með sinnepinnu og stráið raspinu yfir. Setjið kjúklinginn aftur inn í ofninn og steikið hann í u.þ.b. 10-15 mínútur til viðbótar. Gott ráð er að opna ofninn við og við og ausa matarfeitinu yfir kjúklinginn. Þannig fæst góður litur á kjúklinginn og húðinn bragðast betur. Setjið tómatana við hliðina á kjúklingnum.
Steikið því næst beikonið á pönnu rétt áður er maturinn er borinn fram. Gott er að láta fituna renna af beikoninu á eldhúspappír.
Takið kjúklinginn út úr ofninum og setjið í fat. Setjið beikonið ofan á kjúklinginn og tómatana við hliðina á. Takið svo persiljusmjörið út úr ísskápnum og skerið í þunnar sneiðar til að setja á kjúklinginn.
Berið kjúklinginn gjarnan fram með pasta og grænu salati með sítrónum eða soðnu brokkolí og béarnaise sósu.

Hver segir svo að karlmenn kunni ekki að elda?

Getið hver vann báða stærðfræðikúrsana sína...

2005-01-18T14:25:00.000+01:00

Byrjar vel

2005-01-17T14:52:00.000+01:00

Skróp í forritunarfyrirlestri á fyrsta degi. Svona á að gera þetta.

It's alive!!

2005-01-16T15:22:00.000+01:00

En hvað það er frábært að vera kominn heim. Já, heim! Við komum til Stokkhólms síðasta föstudag eftir yndislegt jólafrí heima á Íslandi. Aðaldagskráin hjá mér var eftirfarandi: Sofa, borða, sofa, borða, hitta fólk, sofa, borða, sund, sofa, borða, hitta fólk, sofa og borða. Eftir þetta átakamikla frí er því gott að vera kominn heim til að slaka á og byrja í skólanum.

Maður nennti einhvern veginn ekki að blogga þegar maður var "heima" en sá tími er liðinn. Bloggið vaknar nú af værum blundi nú þegar fjörið byrjar. Við munum segja frá öllu því fréttnæma sem gerist í okkar lífi hér í Svíaríki. Hvort sem það verða spennandi stærðfræði- eða eðlisfræðidæmi, flókin forritun, misheppnuð matarboð eða sveittar sögur úr gymminu (ætli Hulda byrji í ræktinni líka?).

Halló Halló

2004-12-27T01:34:00.000+01:00

Já, við erum ennþá lifandi. Búin í prófum, búin að fá heimsókn frá systur minni og fjölskyldu hennar og komin "heim" til Íslands! Wow wow wow það er nú aldeilis. Annars býst ég við að það verði afskaplega lítið bloggað á meðan við erum á klakanum (en hver veit? Ég hef svo sem ekkert betra að gera...). Jólaboðageðveikinni lauk í kvöld og var hún með ágætasta móti í ár. Aðalfréttin í jólaboðinu hennar Huldu var hvað ég sé búinn að leggja mikið af þó svo að amma hennar virðist hafa verið sú eina sem sjái það. Annars er afskaplega þægilegt að vera kominn heim og getað slappað af á meðan Hulda vinnur fyrir heimilinu (loksins skilaði kvennabaráttan sér í rétta átt).

Að lokum óska ég öllum gleðilegra jóla og farsæls nýs árs!

Hvað vesenið með myndasíðuna varðar þá kemur hún vonandi upp aftur bráðum, þeir sem vita um ókeypis hýsingu handa okkur mega hafa samband.

Lekur gosflaskan ef maður tekur plastdraslið úr tappanum?

2004-12-12T20:48:00.000+01:00

Þetta fannst mér skyndilega mjög áhugavert yfir kvöldmatnum svo ég ákvað að komast að því. Fyrst reif ég plastdótið úr tappanum, setti tappan síðan aftur á flöskuna og skrúfaði fastan. Því næst sneri ég flöskunni á hvolf og ekkert gerðist. Humm...kannski það taki bara smá tíma að byrja að leka...og þess vegna skellti ég hálffullri flöskunni, á hlið, efst upp í ísskápinn og lokaði. Tveimur tímum seinna opnaði ég aftur skápinn og viti menn - það tók bara smá tíma að byrja að leka.

Nú er ísskápurinn okkar allur klístraður og ég er búin að læra að það er ástæða fyrir plastdrasli í töppum.

Ójá...

2004-12-08T15:59:00.000+01:00

Fór í skólann í dag. Ég var þreytt og mygluð og höndlaði engan veginn að vera þarna. Þurfti samt eiginlega að skila inn síðustu heimadæmunum í áfanganum og þetta var nú síðasti tíminn og kennarinn ætlaði að tala um munnlega prófið í næstu viku. Þar sem ég sit í sætinu mínu og læt mér líða illa heyrist í kennaranum: ,,Já, það hefur verið siður í þessum skóla að nemendur í doktorandkúrsum skili bara inn heimadæmum og taki ekkert próf. Ég hef ákveðið að hafa það svipað. Hér eru heimadæmin úr síðustu viku og ég er búinn að skrifa lokaeinkunnirnar ykkar þarna á, ef þið eruð óánægð með þessa einkunn þá verður próf í næstu viku sem þið getið tekið." Ég fékk heima dæmin mín til baka og á þeim stóð: ,,Slutbetyg: 5 " (sem er hæsta einkunn möguleg) Síðan kom í ljós að ég var ein í bekknum með fullt hús stiga fyrir heimadæmin mín s.s. ég var hæst í bekknum...JESS!!!
Þetta hefur svo í för með sér að í stað þess að klára próf 16.des, þá eru sumir búnir 13. desember með prófatörn sem samanstóð af tveimur prófum...Uhh...JESS!!!

Nú er bara að fara að byrja að læra umhverfiseðlisfræðina, skila inn ritgerðinni um kjarnasamrunann og rúlla þessu upp...

Lúðraþytur

2004-12-02T23:48:00.000+01:00

Í fyrradag sat ég í makindum í lestrarsölum vélaverkfræðideildar KTH (haha, sitja í makindum í lestrarsal, ekki sjéns) og allt stefndi á mikið dugnaðarkvöld. Ég ætlaði að sitja til 21 eða 22, sem er einstaklega mikil harka á minn mælikvarða þar sem ég var búinn um hádegi í skólanum og hafði svo farið að vinna að hópverkefni. Svo þegar klukkan slær 19 fer allt til andskotans. Byrjar ekki helvítis Lúðrasveitin (Lúðrasveit vélaverkfræðideildinnar) að æfa í næstu byggingu með tilheyrandi látum. Þetta hefði kannski verið allt í lagi ef þau væru ekki svona ótrúlega léleg. Þau myndu ekki einu sinni fá að hita upp fyrir Lúðrasveit Sólheima. Ég neyddist því til að pakka saman 2-3 tímum fyrr en áætlað var, enda er ekki hægt að lesa eitthvað þegar það hljómar eins og einhver sé að kyrkja kött í næsta herbergi. Fuss.

Reyndar er þetta mjög skemmtileg lúðrasveit en ég er bara svo bitur yfir því að þau trufluðu mig.

Sveittur gaur

2004-12-02T01:57:00.000+01:00

Það er alltaf jafn gaman að fara í ræktina. Ekki bara af því ég er svona ótrúlega massaður og finnst einstaklega gaman að hnykkla vöðvana fyrir framan risastóru speglana á veggjunum. Heldur vegna þess að þegar ég mæti þarna á hverjum morgni þá er Sveitti gaurinn þar oftast nær. Sveitti gaurinn er magnaður. Hann er svona fertugur að aldri, mjög ítarlega vaxinn (feitur) og æfingagallinn hans samanstendur af þröngum eighties jogginggalla (engum skóm nota bene, alltaf bara berfættur og nettur á því). Einnig hef ég séð hann inni í æfingasal með líter af mjólk (eða súrmjólk?) og þambandi það á milli setta. Alltaf þegar hann kemur fer hann beint í tækin, hitar aldrei upp, velur sér óheyrilega þung lóð og fer svo að juðast og þjarkast. Juðast og þjarkast felur í sér kannski svona 6 endurtekningar mest, allar gjörsamlega vitlaust gerðar og oft með mögnuðum stunum. Það var samt best þegar ég kom í ræktina um daginn og sá hvernig hann hitar upp; Haldið þið að hann hafi ekki bara setið inni í gufunni í fullum klæðum, með íþróttatöskuna og allt (í skóm!), og hann hefur eflaust verið búinn að vera þar inni í dágóðan tíma enda orðinn vel sveittur. Svo þegar hann kemur út fer hann úr skónum og hendir sokkunum í ruslið. Þessi gaur er alveg frábær. Frábær sveittur gaur.

Heima er best

2004-11-26T11:57:00.000+01:00

Ég var að fatta það að það eru bara 25 dagar í að við komum “heim” um jólin! Mér líður eins og það hafi bara verið í gær sem ég vaknaði með hnút í maganum yfir því að vera að fara út á flugvöll (allhressilegan rembihnút btw). Annars fáum við heilan mánuð í jólafrí (óóójá), frá 17. desember til 17. janúar. Þetta þýðir að við munum vera rúmar þrjár vikur á landinu sem er náttúrulega bara snilld. Það verður samt skrýtið að fara “heim” í jólafrí og fljúga svo heim aftur eftir jólafrí...
25 dagar í “heim”komu, æðislegt! Það þýðir samt að það eru bara tvær vikur í próf... Shit.

Kabúmm!

2004-11-17T23:48:00.000+01:00

Alltaf gaman að kíkja á fréttirnar hérna og átta sig á því að maður býr í 9 milljón manna samfélagi. Hér í Stokkhólmi, réttara sagt í 10 mínútna göngufjarlægð frá húsinu okkar, var framið rán. Peningabíll (svona flutningabíll sem flytur peninga) var rændur með byssum og öllu tilheyrandi. Ræningjarnir losuðu sig svo við hann á lestarstöðinni Ropsten sem ég og Hulda förum í gegnum á hverjum degi. Þetta væri varla frásögum færandi nema hvað að þeir SPRENGDU bílinn í loft upp beint fyrir utan lestarstöðina. Núna er löggan á nálunum því það gæti verið meira sprengiefni á svæðinu. Eitt er víst, ég ætla ekki að labba yfir þetta bílastæði aftur.

Góð helgi

2004-11-08T16:46:00.000+01:00

En hvað það er yndislegt að koma heim núna þegar maður getur bara kveikt á sjónvarpinu! Já hinn yndislegi nágranni okkar Matthias (þessi sem dó næstum úr matareitrun eftir matarboð hjá okkur) fór með okkur í Täby þar sem við keyptum þetta fína 28" Thomson sjónvarpstæki á 1990 SEK. Ef það er eitthvað sem maður hefur lært hérna þá er það að ódýrt = gott. Það var ekki nóg að fara með okkur til Täby því um kvöldið ætlaði hann að sýna okkur næturlíf Stokkhólms borgar. Við fórum því niður í bæ í kringum 19:00, fengum okkur að borða á ágætis veitingastað (með kúrekaþema!) og þræddum svo staðina. Ég held að besta lýsingin á bæjarferðinni sé í myndformi.

Annars er bara allt gott að frétta, mamma og pabbi koma á fimmtudaginn og er þeirri heimsókn beðið með mikilli eftirvæntingu (fyrir utan stórþrifin sem verða á miðvikudag). Annars líður tíminn ótrúlega hratt hérna, bara mánuður í próf... Så är det bara att hoppas på att tentamerna blir roliga (inte en chans).

Allt að gerast

2004-11-04T20:20:00.000+01:00

Ég var að koma af dansæfingu áðan - er semsagt í moderntímum einu sinni í viku. Það er alveg hreint ágætt, 90 mín af puði og síðan fylgja tveir dagar af hressilegum harðsperrum. Í dag fékk ég nýjan kennara og ég komst að þeirri niðurstöðu að ég er ekki hið minnsta listræn. Ekki einu sinni pínulítið. Tíminn hófst á því að við áttum að rölta um salinn við píanóundirleik og "finna fyrir gólfinu". Það gekk svosem ágætlega - fann að sjálfsögðu engan veginn kraftinn úr gólfinu en slíkt má feika - en svo áttum við að láta mjaðmirnar ráða ferðinni. Þ.e. mjaðmirnar áttu að draga restina af líkamanum í óvæntar stefnur. NEI! Mjaðmirnar og hendurnar geta bara engan veginn komið mér á óvart! Og svo er þetta líka asnaleg æfing. Verst var að hinar pæjurnar í hópnum tóku þetta afskaplega alvarlega og einbeitningin skein úr augunum á þeim er þær þeyttust um gólfið eins og drottingar. Þær mundu leika amöbur ef þeim væri sagt að gera það.

Svo kom að jafnvægisæfingum. Það gekk bara ágætlega alveg þangað til kennarinn ákvað að við ættum að ímynda okkur að við værum fuglar á flugi. Ég missti jafnvægið og datt.

Annars er bara flest gott af okkur að frétta, mættum á Íslendingasamkomu í gær, erum boðin í hallóvín partí á laugardaginn OG erum búin að festa kaup á badmintonspöðum. Janus og Sigrún koma í heimsókn eftir akkúrat viku sem en náttla bara skemmtilegt. Nú liggjum við á hnjánum og þrífum gólfin með tannburstum. Nei ég er bara að plata. Ætli maður baki ekki bara snúða.

Wow wow wow

2004-10-29T01:18:00.000+02:00

Bara búið að uppfæra myndasíðuna! Fyrir aftan linkinn á myndasíðuna er meira að segja kominn sniðug athugasemd sem lætur vita hvenær hún var uppfærð síðast. Þá vitið þið alltaf hvenær myndasíðan er uppfærð, hvílík endemis gleði!

Gaman í eðlisfræði

2004-10-25T19:10:00.000+02:00

Eðlisfræðifyrirlesarinn minn er einstaklega skemmtilegur, hann heitir Göran Manneberg og virðist vita allt um eðlisfræði (í dag fengum við mjög skemmtilega útskýringu á hversu "auðvelt" væri að búa til kjarnorkusprengju). Fyrirlesturinn í dag fjallaði að mestu leyti um segulsvið og þá aðallega um útreikninga sem innihalda segulsvið og notkun á hinni frábæru hægri-handar-reglu. Það sem var svo skemmtilegt var að eftir fyrsta tímann sagði hann að það yrði mikið um "höger hands träning" (útleggst hægri handar æfing á íslensku) í seinni tímanum. Þá hlógu allir strákarnir dátt.

Ég er farin út í búð...

2004-10-20T20:31:00.000+02:00

Alltaf skal mér líða eins og sjö ára stelpu í mömmó þegar ég segi þessa setningu.

Íkornar og makkarónur

2004-10-19T14:51:00.000+02:00

Þar sem ég gekk heim frá strætóstoppistöðinni í dag varð mér litið upp á svalirnir okkar. Haldið þið ekki bara að ég hafi séð lítinn íkorna skoppa um á handriðinu. Það er gaman að búa í útlöndum.

Annars var ég í fyrsta alvöru háskólaprófinu mínu í gær. 5 langir tímar af eðlisfræði. Mér gekk bara ágætlega held ég, er að vonast eftir hæstu einkunn (sem væri góð tilbreyting frá fyrri eðlisfræðiprófum) en það kemur svosem í ljós á föstudaginn. Lúxus í þessu landi hvað þeir eru snöggir að fara yfir próf og birta einkunnir. Þumlar upp fyrir KTH.

Rosalega er skrítið að vera í svona áfangakerfi. Maður fer bara í tíma, tekur lokapróf og *daddarada* allt búið. Ekkert svona "Nei, þið verðið að geyma bækurnar ykkar og glósur á góðum stað því þið takið svo lokapróf úr faginu eftir þjú ár!" - þetta er ekkert smá mikið auðveldara.

Ég fékk verðlaun í gær fyrir glæstan sigur í makkarónuleik. Vinningurinn var þessi líka dýrindis bakpoki með hólfi fyrir fartölvuna og símann, fylltur með SEB-hálsbands lyklakippum og derhúfu. SEB er semsagt bankinn sem stóð að umræddum leik á skólalóðinni fyrr í haust. Var næstum búin að segja frá þessu afreki mínu á eðlisfræðiprófinu í von um bónusstig þar sem að ég áætlaði fjölda makkaróna í glasinu með hjálp aðferðar sem við lærðum í eðlisfræði. Ég hætti við. Skemmtilegast var þó að í bréfinu -sem bankinn sendi til að láta mig vita af vinningnum og tók svo aftur til baka þegar ég náði í hann- var sko ekkert verið að skafa utan af því: "Til hamingju! Þú varst best." Þar hafið þið það. ÉG er BEST og átti það skriflegt.

Íslendingarnir í KTH ætla að hittast um næstu helgi. Þá fögnum við því að hafa NÆSTUM unnið Svíana um daginn.

Hetjuleg handtaka Stokkhólmslögreglunnar

2004-10-13T16:27:00.000+02:00

Eftirfarandi klausa birtist í dagblaði í Svíþjóð í morgun. Hún lýsir hetjulegri handtöku sænsku lögreglunnar á þremur 16 ára strákum sem hafa stundað það undanfarnar vikur að kasta steinum í lestir á kvöldin.

"Vakter från Connex og civilklädda närpoliser gömde sig i torstags i buskarna vid den aktuella platsen og avslöjade pojkarna."

Mér var skemmt.

Kalt

2004-10-12T13:35:00.000+02:00

Hér í Svíþjóð er alvöru veður. Það kemur alvöru sumar, alvöru haust, alvöru vetur og alvöru vor. Ekki leiðinlegt haust allan ársins hring með smá breytingum á hitastigi eins og heima. Haustið er greinilega komið, fallegir litir á trjánum og svöl gola. En í morgun var nú eiginlega bara helvíti kalt, það voru í kringum -1°C til -3°C. Það var nú samt tilbreyting að hafa ekki hinn fræga íslenska mótvind á manni alltaf.

Ég bíð bara spenntur eftir alvöru vetri, snjó og svona. Man ekki eftir að hafa upplifað slíkt síðan ég var lítill strákur.

Ég vissi það!

2004-10-07T21:33:00.000+02:00

Ég byrjaði í eðlisfræðinni í síðustu viku, voða gaman og allt það. En svo þegar ég sá hvaða bók ég átti að vera með, "University Physics by Harris Benson", hugsaði ég bara djöfullinn! Ég hefði betur lesið þessa fjandans bók á meðan ég var í Verzló. Við áttum sem sagt að kaupa þessa bók fyrir 5. bekk en þurftum í raun aldrei að nota hana þar sem eðlisfræðikennarinn okkar kom með útskýringar og dæmi á íslensku. Afhverju? Afhverju las ég ekki bókina? Afhverju reiknaði ég a.m.k. ekki dæmin? Skyndilega á meðan ég spurði sjálfan mig þessara spurninga og bölvaði, hóf eðlisfræðikennarinn upp raustina; "Það er smá villa á bókalistanum, bókin sem þið eigið að kaupa heitir University Physics eftir Young og Friedmann.". Frábært, þarf ég núna að kaupa mér aðra 7.000 króna eðlisfræðibók? Ó ví. Á meðan ég er að því þá held ég að ég safni bara öllum eðlisfræðikennslubókum sem til eru.

En svo fór ég að hugsa; "Hmm, kannski get ég skipt bókinni...". Ég fór því með bókina í Kårbokhandeln (bókabúð KTH) og sagðist vera með eitt stykki nýja University Physics bók eftir Benson (ég er svo illur) sem ég hefði keypt í staðinn fyrir University Physics eftir Young og Friedmann. Ekkert mál, starfsmaðurinn sagði mér að koma með hana á morgun og ég gæti skipt henni á milli fyrir fullt verð ef hún liti ennþá út sem ný. Viti menn, maðurinn skoðaði bókina næsta dag og samþykkti að taka hana upp í hina bókina á fullu verði. Hahahaha, ég vissi það! Ég vissi það að það myndi borga sig að lesa ekki University Physics eftir Benson í 5. og 6. bekk VÍ!!

Myndir myndir myndir

2004-10-03T14:01:00.000+02:00

Jæja þá eru allar myndirnar sem við höfum tekið komnar inn á myndasíðuna. Hún verður svo uppfærð reglulega í framtíðinni þannig að það er bara að fylgjast með. Njótið.

Nýtt commentakerfi

2004-10-02T21:15:00.000+02:00

Jæja, þá er komið upp svona nýtt commentakerfi, ívið þægilegra. Nú nægir bara að smella á "Comment (0)" og þá poppar upp gluggi þar sem hægt er að skrifa inn eitthvað sniðugt. Ekkert vesen með að pósta "anonymously". Athugið samt að í augnablikinu eru tvö commentakerfi í gangi, það er bara til þess að halda þeim commentum sem nú þegar hafa verið skrifuð inni. Svo þegar gömlu póstarnir fara út af forsíðunni þá eyði ég gamla commentakerfinu út. Fun stuff.

Myndasíða!

2004-09-30T23:33:00.000+02:00

Já þið lásuð rétt! Við erum komin með myndasíðu (aðeins sneggri en Katla, haaa) og munum vera duglegum að setja allar þær myndir sem við tökum inn á hana. Hins vegar verður smá bið á því eða þangað til seinna í þessari viku þegar við fáum snúruna svo við getum fært myndir yfir á tölvuna. *hóst* Við gleymdum eiginlega snúrunni heima á Íslandi *hóst*. En á meðan getið þið skoðað frábærar myndir af systurdóttur minni sem ég fékk lánaðar af síðunni hennar Láru. Til þess að komast á myndasíðuna þá smellið þið bara á "Skoða myndir" hérna til hægri.

Tungr knifr

2004-09-30T11:14:00.000+02:00

Það er ótrúlegt hversu margir bekkjarfélaga minna hafa séð myndina Hrafninn flýgur eftir Hrafn Gunnlaugsson. Og það eina sem flestir muna eftir úr þessari mynd er "Tungr knifr".

Bekkjarfélagi: "Dadi, har du set filmen med den där tungr knifr?"
Ég: "Ha?"
Bekkjarfélagi: "Tungr knifr!"
Ég: "Ha?"
Bekkjarfélagi: "Tungr knifr! Det är en riktig bra vikingfilm!"
Ég: "Jááá, du mener þungur hnífur?"
Bekkjarfélagi: "Ja precis, tungr knifr!"
Bekkjarfélagi 2: "Pratar ni om Korpen flyger!? Det är en KLASSIKER!"

"Tungr knifr" kemur greinilega úr einhverri frægri línu í þessari, að því virðist, klassísku mynd (sbr. 4. málsgrein í þessari sænsku umsögn). Frasinn "tungr knifr" var orðinn frekar vinsæll meðal nokkra bekkjarfélaga minna og um daginn átti ég að kenna þeim meiri íslensku. Þeir vildu að sjálfsögðu læra eitthvað í framhaldi af "tungr knifr" og báðu mig um að kenna sér að segja þungur skítur eða "tungr skitr" eins og þeir bera það fram. Frasinn "tungr skitr" vekur nú gríðarlega lukku í hvert skipti sem einhver þarf að fara á klósettið.